معلومات مهمة يجب مراعاتها عند تسجيل العقود

كتب: علي عبدالجواد

نستعرض في هذا الموضوع معلومات مهمة يجب مراعاتها عند تسجيل العقود، سطرها الأستاذ منتصر الداروتي، على صفحات موقع صدى البلد، ونأمل في أن تمثل إفادة لشاب المحامين.

١- العقد لن يكون باطلاً لو ما فيش شهود ماضيين عليه، المهم توقيع البائع مش الشهود.

٢- العقد لازم يتكتب فيه تاريخ، ما ينفعش يكون فاضى وحضرتك تقولى نبقى نكتب التاريخ براحتنا.

٣- مفيش حاجة اسمها خالص الثمن، إلا إذا تم دفع الثمن بالكامل، أما إذا دفع جزء من الثمن حضرتك بتكتب فى العقد أن ثمن الشىء المبيع كذا وتم سداد مبلغ كذا والباقى.

٤- يا ريت حضرتك سواء بائع أو مشترى تمضى على كل ورقة.

٥- فى فرق بين صحة التوقيع والتسجيل ومش كل العقود ينفع تتسجل فى الشهر العقارى ومش معنى أن العقد عليه ختم صحة توقيع يبقى أتسجل.

٦- مفيش حاجة اسمها تنازل على ظهر العقد ويبقى كده اشتريت.. اشتريت يعنى أعمل عقد بيع وشراء.

٧- يا ريت لما حضرتك تشترى شقة أو تأجر تأخد آخر إيصالات مياه وكهرباء وغاز علشان لو المشترى باعلك مش حتشوف وشه تانى وغصب عنك هتدفعهم.

٨- صحة التوقيع مهمة وبتثبت تاريخ البيع وتوقيع البائع والمشترى ولا تقول ملهاش لازمة علشان ما تندمش بعد كده وعلى فكرة ينفع المشترى يرفع صحة توقيع على البائع وكمان ينفع البائع يرفع صحة توقيع على المشترى.

٩- لو حضرتك اشتريت شقة تمليك وملكش حصة فى الأرض والبيت كده حضرتك ملكش أى حاجة، يعنى حضرتك اشتريت حيطان بس.

١٠- لو اشتريت شقة من واحد والشخص ده اتوفى بعدما باع لك من حقك ترفع صحة توقيع على ورثته.. عادى.

١١- عقد الإيجار ممكن يتعمل عليه صحة توقيع لو مدة الإيجار أكتر من ٩ سنوات ولو أقل من كده يبقى إثبات تاريخ.

١٢- يا ريت قبل ما تشترى شقة، تسأل هل صدر لها قرار تمكين ولا لأ، علشان لو زوجة البائع كانت عاملة قرار تمكين للشقة قبل ما يبعها يبقى عليه العوض ومنه العوض.

١٣- على فكرة عادى جداً أنك ترفع دعوى صحة توقيع على عقد ابتدائى أو عقد لسه عليه أقساط، مفيهاش مشكلة.

الوضع في مصر

الاصابات
234,015
الوفيات
13,714
المتعافون
175,117
اخر تحديث : 7 مايو، 2021 - 8:07 ص (+02:00)

الوضع عالميا

الاصابات
156,719,256
+35,332
الوفيات
3,270,225
+904
المتعافون
134,931,607
اخر تحديث : 7 مايو، 2021 - 8:07 ص (+02:00)

اضغط لمتابعة الاحصائيات التفصيلية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى